Дзятлава

Дзятлаўскія сыры ў ліку лепшых беларускіх тавараў

Падведзены вынікі конкурсу “Лепшыя тавары Рэспублікі Беларусь” 2012 года. На ўдзел у ім сёлета даслала сваю заяўку адно прадпрыемства горада Дзятлава — гэта ААТ “Дзятлаўскі сыраробны завод”.
Пастановай Дзяржаўнага камітэта па стандартызацыі Рэспублікі Беларусь ад 11. 01. 2013 года №3 “Аб зацвярджэнні вынікаў конкурсу “Лепшыя тавары Рэспублікі Беларусь” 2012 года” лепшымі прызнаны: сыр “Чыз-Лайт” з масавай доляй тлушчу ў сухім рэчыве 30%; сыр “Расійскі асаблівы” з масавай доляй тлушчу ў сухім рэчыве 50%; сыр “Галанскі брусковы” з масавай доляй тлушчу ў сухім рэчыве 45%.
Члены камісіі адзначылі высокую якасць сыроў, іх кансістэнцыю, сырны водар і характэрны малюнак на разрэзе, а смакавыя якасці сыру “Чыз-Лайт” ніколькі не саступалі іншым сырам, нягледзячы на больш нізкае ўтрыманне тлушчу.

Сядзібы Дзятлаўшчыны і Панямоння

Рэшце мясцовых сядзібаў пашчасціла ацалець празу віхуры дзесяцігоддзяў, іншыя засталіся толькі ў памяці. Гісторыя пакінула нам звесткі пра сядзібы ў вёсках Курпяшы, Дварэц, Лапушна, Міроўшчына, Нянадавічы, Страла, Боркі, Нагародавічы, Накрышкі, Раготна, Горка, Азяраны, Войневічы, у Казлоўшчыне. Што-нішто засталося ад сядзібы 1819 года ў Жыбартоўшчыне, у Жукоўшчыне. У Дзятлаве часткова захавалася сядзіба (палац) 1751 года.

На тэрыторыі Гродзеншчыны да 21 стагоддзя ацалела каля чатырох дзясяткаў разнастайных помнікаў сядзібна-паркавай архітэктуры, унесеных у Дзяржаўны спіс гісторыка-культурных каштоўнасцяў Рэспублікі Беларусь. Датуюцца яны ХVІ – пачаткам ХХ стагоддзяў, маюць, вядома, розную ступень захаванасці. І таму наш сумесны гістарычны абавязак – зберагчы іх для будучыні. Між іншым, 2013-і аб’яўлены ў Беларусі Годам беражлівасці.
Дзятлаўскі раён з пачатку 21 стагоддзя пачаў досыць актыўна развіваць ужо сучасны сядзібны турызм, аграэкатурызм. Турысты з іншых крыін едуць у наш край найперш па беларускасць, шукаюць унікальнасць нашай зямлі, нашай нацыі, душы беларускага народа. І нам трэба насустрач гэтаму руху паклапаціцца, каб сядзібы рознага кшталту -- паляўнічыя, для аматараў рыбалкі, этнаграфічныя, краязнаўчыя, культуралагічныя былі цікавыя. Каб наведвальнікі маглі сказаць потым, вярнуўшыся дахаты пасля вандроўкі, што ў Беларусі ёсць што паглядзець і для гэтага зроблены зручнасці.

Праграма святочных мерапрыемстваў на 9 Мая

9 мая
9.00-13.00 Раённая ваенна-спартыўная гульня “Зарніца” (стадыён “Колас”).
11.00 Конкурс малюнка на асфальце і выстава дзіцячай творчасці “Дзеці за мір на планеце” (пляцоўка ў РДК).
11.30 Дзіцячая канцэртная праграма “Мы спяваем пра мір!” (Дзятлаўскі РДК).
12.00 Ускладанне вянкоў да помнікаў воінам, мірным жыхарам, якія загінулі ў гады Вялікай Айчыннай вайны (г. Дзятлава). Раённая хвіліна маўчання.
12.30 Канцэртная праграма народнага хору ветэранаў “Ветэраны ў страі” (Дзятлаўскі РДК).
13.30 Збор удзельнікаў мітынга (плошча 17 Верасня).
14.00 Мітынг-рэквіем ля абеліска Славы (абеліск Славы).
15.00-17.00 Футбольны матч чэмпіяната Гродзенскай вобласці па футболу (стадыён “Колас”).
17.00 Святочнае выступленне народнага ансамбля рускіх народных інструментаў "Дзятлаўскі калейдаскоп" (плошча 17 Верасня).

ПРА ДЭМАГРАФІЧНУЮ СІТУАЦЫЮ НА ДЗЯТЛАЎШЧЫНЕ

На 1 ліпеня 2011 года колькасць насельніцтва Дзятлаўскага раёна склала 28,3 тысячы чалавек.
За 6 месяцаў 2011 года ў раёне нарадзіліся 126 дзяцей, памерлі 354 чалавекі. У параўнанні з адпаведным перыядам 2010 года колькасць народжаных зменшылася на 15,4%, колькасць памерлых — на 4,1%, натуральная страта насельніцтва павялічылася на 3,6%.
У гарадской мясцовасці колькасць народжаных зменшылася на 27,1%, колькасць памерлых — на 13,2%, натуральная страта насельніцтва павялічылася на 27,6%. У сельскай мясцовасці нарадзіліся 64 немаўляці, памерлі 255 чалавек. Натуральная страта склала 191 чалавек і засталася на мінулагоднім узроўні.
Сярод прычын смерці насельніцтва па-ранейшаму лідзіруюць хваробы сістэмы крывазвароту — 58,8%, астатнія прычыны: наваўтварэнні — 7,9%, знешнія прычыны смерці (няшчасныя выпадкі, атручванні і траўмы, забойствы, самагубствы) — 6,2%, хваробы органаў стрававання — 5,6%.

Падарунак роднаму гораду

Беларускі мастак дэкаратыўна-прыкладнога мастацтва, кераміст, скульптар, жывапісец, сябра Саюза беларускіх мастакоў Мікалай Несцярэўскі з Мінска на Дзень Незалежнасці адкрыў у Дзятлаўскім раённым Доме культуры сваю персанальную выставу і ўсе яе экспанаты падараваў роднаму гораду.
Сотні жыхароў Дзятлава прыйшлі 3 ліпеня ў мясцовы РДК, дзе на двух паверхах адкрылася прыватная выстава Мікалая Несцярэўскага. Кіраўніцтва Дзятлаўскага райвыканкама, сябры, знаёмыя і простыя гараджане шчыра віталі свайго знакамітага і шчодрага земляка. І хоць нарадзіўся Мікалай Лаўрэнцьевіч на Беласточчыне ў вёсцы Бацюты, пасля вайны сям'я іх пераехала на Дзятлаўшчыну. "У 1945 годзе палякаў перасялялі ў Польшчу, а беларусаў — на ўсход. Мы вельмі не хацелі пакідаць Бацюты. Бо ў нас было 18 гектараў зямлі, 5 кароў, некалькі коней, шмат свіней, авечак, сотні курэй. Мы жылі даволі добра. Праўда, шмат працавалі, але і шмат мелі. Жылі заможна ажно да восені 1939 года. А потым жыць стала цяжка. І мы пад прымусам пераехалі да сваякоў у Дзятлава на Гарадзеншчыну", — прыгадаў на адкрыцці выставы Мікалай Несцярэўскі, якому ў сакавіку сёлета споўнілася 80 гадоў з дня нараджэння.

Ці не патоне Дзятлава ў «вогненнай вадзе»?

Ёсць у Дзятлаве плошча, якая носіць назву "Сямнаццатага верасня". Даўней назвалі, так яно і засталося, і перайменоўваць пакуль ніхто не збіраецца.

На гэтай, цэнтральнай, плошчы месцяцца ў кружок Дом быту, Дом гандлю, рэстаран "Ліпічанка" пад адным дахам з аднайменнай гасцініцай, прадуктовы магазін "Міраж" (от трапная назва! Ажно зайздрошчу таму, хто яе прыдумаў). Тут жа і раённая пошта, і Белтэлекам. Калі ісці далей па крузе, то на шляху будзе прадуктовы магазін "Ветэран", "Сельгаспрадукты" і іншыя невялікія будынкі рознага прызначэння. Усё больш гандлёвага і ўсё больш такіх, каб чалавек пасля "ўчарашняга" мог наталіць смагу ды і сёння не забыўся кульнуць чарку-другую. Без гэтага, панове, нельга. Без гэтага плошча не была б культурным цэнтрам нашага гарадка.

Ды куды ты ў Дзятлаве ні пахіліся, усюды ёсць "вогненная вада". Калі не нальюць у чарку, то ўжо пляшку ў кішэню дадуць абавязкова. Быў, скажам, магазін "Кулінарыя". Назва гаворыць сама за сябе: піражкі там розныя, чабурэкі, напоі, паўфабрыкаты і шмат чаго яшчэ. Шмат, але не ўсё для поўнага сервісу: столікаў і крэслаў не было, каб чалавек мог сесці ды кульнуць чарку. Гэты прабел ліквідавалі. Цяпер там стала больш людна і весела.

Калі будзе завершаны рамонт і рэканструкцыя аўтастанцыі ў г. Дзятлаве?

Пытанне работнікаў райспажыўтаварыства г. Дзятлава:
Калі будзе завершаны рамонт і рэканструкцыя аўтастанцыі ў г. Дзятлаве? Калі яна будзе здадзена ў эксплуатацыю?

Адказ дырэктара Аўтамабільнага парка №16 г. Дзятлава В. В. Каляды:

Паведамляем, што 18 ліпеня 2008 года быў заключаны дагавор генеральнага будаўнічага падрада філіяла “Аўтамабільны парк №16 г. Дзятлава РАТУП “Гроднааблаўтатранс” з аднаго боку і ААТ “Дзятлаварамбуд” з другога боку па пытанні мадэрнізацыі будынка аўтастанцыі горада Дзятлава, дзе прадугледжвалася, што фінансаванне аб’екта выконваецца за кошт рэспубліканскага бюджэту на суму 256 млн. рублёў. У 2009 годзе былі выкананы будаўніча-мантажныя работы на 176 мільёнаў рублёў. Пры выдзяленні астатніх фінансавых сродкаў мадэрнізацыя аўтастанцыі ў бліжэйшыя месяцы будзе закончана.

Адказ намесніка генеральнага дырэктара рэспубліканскага аўтатранспартнага унітарнага прадпрыемства “Гроднааблаўтатранс” І. А. Шарэйкі:

Вольга Галаднова: “У мяне слаўныя калегі”

Дзятлаўская сярэдняя школа №1 на працягу многіх гадоў з’яўляецца ці не самай лепшай у раёне. Чвэрць стагоддзя яе работу ўзначальвае інтэлігентная, абаяльная Вольга Канстанцінаўна Галаднова. Карэспандэнт “Аддушыны” нядаўна сустрэлася з ёй і папрасіла яе адказаць на некаторыя пытанні.

—Скажыце, калі ласка, колькі часу Вы працуеце на ніве асветы?
—Трыццаць сем гадоў. Пачынала настаўніцай у Дварэцкай школе нашага раёна, выкладала там рускую і беларускую мовы. Нейкі час працавала інструктарам райвыканкама, потым узначаліла работу Дзятлаўскай СШ №1. І ўжо дваццаць пяць гадоў мінула... Ажно не верыцца.
—Цяжка было спачатку, бо да Вас дырэктарамі гэтай школы былі мужчыны?
—Няпроста. У той час настаўнікамі ў нашай школе працавалі два былыя загадчыкі рана, шмат вопытных, таленавітых педагогаў. І кіраваць імі мне, маладому дырэктару, было складана. Цяпер многія ўжо на пенсіі, але і тыя, што прыйшлі, працуюць з душой. Адным словам, у мяне слаўныя калегі. І гэта радуе. У нас узаемапаразуменне, агульная мэта — не толькі даць дзецям трывалыя веды, але і выхаваць іх прыстойнымі людзьмі. Другое, бадай, галоўнае. Тры гады запар наша школа трымала першынство ў раёне па ўсіх паказчыках. Цяпер — на другім месцы.
—А чаму цяпер на другім?

Выстава "Халодная зброя"

З 21 лістапада да 7 снежня ў Дзятлаўскім гісторыка-краязнаўчым музеі працуе выстава віцебскага калекцыянера Рамазана Махмудава. На ёй прадстаўлена халодная зброя ўсіх часоў і народаў: першабытны чалавек з каменнай сякерай, зброя старажытных цывілізацый Егіпта, Грэцыі, Рыма, мячы і сякеры вікінгаў, пісталеты-нажы піратаў, іх абардажныя кутласы, рыцарскія мячы, шаблі, арбалеты, вырабы сучасных майстроў.

Падрабязьней на старонцы музея...

У Дзятлаве з'явіцца фантан

Як паведаміла намеснік начальніка аддзела архітэктуры і будаўніцтва райвыканкама Алена Латушка, распрацаваны і пачалі ажыццяўляцца планы па добраўпарадкаванню Дзятлава, Наваельні і Казлоўшчыны, разлічаныя на 2008-2010 гады. Згодна гэтых дакументаў, 2,5 мільярда крэдытных рэсурсаў банка выдзелены на добраўпарадкаванне дзятлаўскіх вуліц (заказчыкам дадзенага праекта выступае ўпраўленне капітальнага будаўніцтва райвыканкама). Так, баранавіцкая будаўнічая фірма “Санга-благоустройство” вядзе работы на вуліцы Першамайскай у райцэнтры: тут абсталёўваюцца тратуары, а каля будынка ААТ “Белаграпрамбанк” з’явіцца аўтастаянка. Гэтая ж арганізацыя распачала добраўпарадкаванне плошчы 17 Верасня ў г. Дзятлаве (трэцяя чарга яе рэканструкцыі). Тут правядуць перанос праезнай часткі, упарадкуюць аўтастаянку каля магазіна “Ветэран”. Плануецца таксама, што ў недалёкай ужо будучыні на плошчы пабудуюць фантан. Чакаецца, што сёлета зменіць сваё аблічча і вуліца Кутузава: работнікі ААТ “Дзятлаварамбуд” абсталююць тратуары і ўкладуць іх пліткай, з’явіцца тут і асфальтавае пакрыццё.

Yandex cite