Леў Сапега

4 красавіка споўнілася 455 гадоў ад нараджэння Льва Сапегі

Вялікі канцляр Вялікага княства літоўскага, вялікі гетман літоўскі, аўтар Статуту ВКЛ 1588 года Леў Сапега вывеў свой род на першыя пазіцыі ў тагачаснай дзяржаве беларусаў і залатымі літарамі ўпісаў сваё імя ў гісторыю сярэднявечнай Еўропы. З 1608 года гісторыя Дзятлава таксама стала звязана са знакамітым і вядомым ў ВКЛ родам – родам Сапегаў.


Леў Іванавіч Сапега
(4.4.1557-7.7.1633)

Праваслаўны Сапега атрымаў перадавую пратэстацкую адукацыю: спачатку ў Нясвіжскай школе, якой апекаваўся сам Мікалай Радзівіл Чорны, а пасля — ад 13-гадовага ўзросту — у Лейпцыгскім універсітэце.

Яму давалася рымскае і царкоўнае права, яго захапляла мастацтва Рэнесансу. Кароль і вялікі князь Сцяпан Батура, да якога Сапегу прынялі на службу па вяртанні на радзіму, быў уражаны эрудыцыяй юнака.

У 23-гадовым веку Леў быў ужо сакратаром гаспадарскім, а праз год — пісарам гаспадарскім у Канцылярыі ВКЛ.

Yandex cite