Сбор новостей

Для таго каб разгрузіць транспартныя патокі ў цэнтры сталіцы і адначасова вырашыць праблему парковак, уезд у цэнтр горада плануецца зрабіць платным, паведаміў на прэс-канферэнцыі 31 кастрычніка галоўны інжынер УП «Гаражы, аўтастаянкі, паркоўкі» Пётр Пруднікаў.

Адноўлены мэмарыяльны знак “Ад народу Злучаных Штатаў Амэрыкі народу Беларусі дзеля памяці”, альбо гэтак званая “Лава Клінтана”, 31 кастрычніка быў нанава ўсталяваны ў Курапатах.

У Беларусі трэці дзень знаходзіцца прэзыдэнтка Міжнароднай фэдэрацыі правоў чалавека Сухайр Бэльхасэн. Яна заявіла, што сытуацыя з правамі чалавека ў Беларусі зьяўляецца найбольш напружанай у рэгіёне. Мэта яе місіі — падтрымаць грамадзянскую супольнасьць у Беларусі і вывучыць умовы ўтрыманьня пад вартай і выпадкі жорсткага абыходжаньня ў зьняволеньні.

Ізраільскі бок лічыць беларуска-ізраільскі інцыдэнт вакол выказванняў Аляксандра Лукашэнкі вычарпаным. Пра гэта падчас сустрэчы з рэдактарам «Советской Белоруссии» Паўлам Якубовічам заявіў намеснік кіраўніка аддзела па Цэнтральнай Еўропе і Еўразіі МЗС Ізраіля Пініі Авіві, піша ізраільскае выданне «Haaretz».

Тактычную ядзерную зброю пакуль мэтазгодна пакінуць у арсеналах расейскіх Узброеных Сілаў, перадае "Інтэрфакс" заяву начальніка 12-га Галоўнага ўпраўлення Міністэрства абароны Расеі генерал-палкоўніка Уладзіміра Вярхоўцава.

З наступнага года тарыфы на электраэнергію, якая пастаўляецца насельніцтву, могуць значна ўзрасці.

11,5 мільёны рублёў павінен выплаціць супрацоўнік міліцыі, звольнены з Аршанскага ГАУС за парушэнне службовай дысцыпліны.

Пракурор Гарадзенскай вобласці Васіль Літвінаў будзе вызвалены ад занятай пасады, паведаміў на прэс-канферэнцыі ў Менску Генеральны пракурор Беларусі Пётр Міклашэвіч.

Самыя знакамітыя расійскія астролагі Павел Глоба і Рыгор Кваша прагназуюць, што 2008 год стане самым складаным для Аляксандра Лукашэнкі: яго чакаюць змовы ў бліжэйшым асяроддзі, эканамічная нестабільнасць і, магчыма, адстаўка.

Шведскі рэжысёр Томас Нордэнштадт зняў 7-хвілінны фільм пра беларускі «Свабодны тэатр». Рэжысёра цікавіць усё, што звязанае з тэатрам, але найперш – сама Беларусь і жыццё яе народа…

Учора ў Віцебску падчас акцыі, прысвечанай Дню памяці продкаў "Дзяды", адбыліся масавыя затрыманні дэмакратычных актывістаў. Затрыманыя 25 чалавек. Акцыя праходзіла ў вёсцы Паляі, якая знаходзіцца прыкладна ў 15 кіламетрах ад горада. Недалёка ад гэтай вёскі ёсць месца, дзе, паводле звестак мясцовых жыхароў, у 30-я гады мінулага стагоддзя НКВД расстрэльваў прадстаўнікоў віцебскай інтэлігенцыі.

Міністар інфармацыі Беларусі Ўладзімер Русакевіч заявіў, што інтэрнэт-вэрсіі пэрыядычных выданьняў павінны рэгістравацца як сродкі масавай інфармацыі. Цяпер у краіне створана адмысловая група, якая аналізуе сусьветную практыку па гэтым пытаньні. Калі група зьбярэ адпаведныя матэрыялы, то ўнясе свае прапановы аб прававым рэгуляваньні дзейнасьці інтэрнэт-СМІ – адзначыў Русакевіч.