Рэдакцыя газеты “Перамога” у рамках дабрачыннай акцыі “Мы — дзецям”, прымеркаванай да заканчэння Года дзіцяці, праводзіць наступныя конкурсы, у якіх запрашае прыняць удзел дзяцей дашкольнага і школьнага ўзросту:
1. Конкурс на лепшую калядную паштоўку. Малюнкі можна выконваць фарбамі, алоўкамі, фламастарамі. Будзе ацэньвацца як ідэя, так і мастацкае афармленне паштоўкі.
2. Конкурс на лепшае навагодняе віншаванне. Яго можна скласці ў вершах або прозе, памер — не больш 20-25 радкоў.
Работы пераможцаў трапяць на старонкі нашай газеты, лепшыя канкурсанты атрымаюць памятныя падарункі. Малюнкі і віншаванні прымаюцца да 10 студзеня 2008 года.
Таксама рэдакцыя ў рамках дабрачыннай акцыі “Мы — дзецям” ладзіць збор цацак, кніжак, маляванак для выхаванцаў Дзятлаўскага сацыяльнага прытулку. Усе нашы чытачы таксама могуць прыняць удзел у зборы названых рэчаў да 22 снежня 2007 года.
Звяртайцеся на адрас: г. Дзятлава, вул. Чырвонаармейская, 21, рэдакцыя газеты “Перамога”.